Wahdat-ul-Wujood te Punjabi Shaeri, Syed Ali Abbas Jalapuri, وحدت الوجود تے پنجابی شاعری, سید علی عباس جلالپوری,

 

پروفیسر سید علی عباس جلالپوری ہوری پنجاب دے اوہناں سوجھواناں وچوں ہن، جنہاں فلسفے دیاں گنجھلاں نو اپنیاں ڈھیر ساریاں لکھتاں راہیں نال کھولیا ہے تے آون والیاں پیہڑیاں لئی راہواں وح دیوے بال دتے۔ "وحدت الوجود تے پنجابی شاعری" (Wahdat-ul-Wujood te Punjabi Shaeri) 1977ء نو ں چھاپن دا مان بوڑد نوں ملیا ہائی۔ ایہہ چروکنی مک چکی ہائی۔ ساڈے لئی ایہہ وڈے مان والی گل اے کہ ویلا بیتین دے نال نال ایہدی منگ وچ دنوں دن وادھا ہوندا گیا ہے۔ لکھاری نے ویدانت، بد، یونانی تے تصوف دیاں ریتاں دا اپنی ڈونگھی سوجھ سیاپ نال نکھیڑا تے نتارا کیتا اے۔ ایوں ایس نکی جہی کتاب وچ پڑھیار نوں اوہ سب کجھ لبھ پیندا اے جس لئی اوہنو کئی کتاباں پھرولن دی کھیچل کرنی پوندی۔

 

اساں اپنے ولوں پوری وہ لائی ہے کہ اجو کے ایڈیشن وچ امال تے التھے دیاں بھلاں دی دودھی کر دتی جاوے۔ رہندیاں اک دو گلاں بارے اسیں اپنے وچار دین دی ایتھے کھلھ لیندے ہاں۔

صفحہ 60 اتے لکھیا ہے۔

"ہخا منشیاں دے عہد وچ خروشٹی زبان جیہڑی آرامی زبان دی اک بدلی ہوئی صورت سی، گندھارا اتے پنجاب وچ رواج پاگئی۔۔۔۔۔"

 

فیر صفحہ 62 اتے وی خروشٹی نوں زبان ای منیا گیا اے۔

خروشٹی نوں زبان آکھنا اک وڈی بھل اے۔ اصل وچ ایہہ ناں زبان دا نہیں سگوں لپی (رسم الخط) دا ہے۔ عربی، فارسی، آرامی وغیرہ وانگ ایہہ سجیوں کھبے لکھی جاندی ہائی۔

 

تیجی صدی عیسوی دی سنسکرت لکھت "للت وستر" وچ جنہاں نے 64 لپیاں دی دس پائی گئی ہے۔ اوہناں وچ خروشٹی دی اک لپی ہے۔ تاؤ چیو نے چینی زبان وچ بدھ مت بارے 664ء وچ جو انسائیکلوپیڈیا تیار کیتا ہائی، اوس وچ وی ایس لپی دی دس پائی گئی ہے۔ چینی لپی وچ خروشٹی لئی تھلے لکھیاں علامتاں ورتیاں گیاں ہن۔

 

نام کتاب، Book Name	Wahdat-ul-Wujood te Punjabi Shaeri وحدت الوجود تے پنجابی شاعری
مصنف، Author	Syed Ali Abbas Jalalpuri, سید علی عباس جلالپوری
Edition, ایڈیشن
صفحات، Pages	258
حجم، Size	17.10 MB
ناشر(ان)، Publisher(s)
مطبع، Printers
Read Book – Wahdat-ul-Wujood te Punjabi Shaeri
Download Book – Wahdat-ul-Wujood te Punjabi Shaeri